Gipahigayon ang Womens Month Finale sa Municipal Gym sa Don Ruben, San Jose, Dinagat Islands niadtong March 23, 2026 aron pasidunggan ang kababayen-an ug ipakita ang ilang papel sa komunidad.

‎Gi-organisa ang kalihokan sa Municipal Social Welfare and Development Office (MSWDO) ubos sa pagpangulo ni Joy P. Parajes, diin mihatag og opening message si Mayor Ruben J “KKing” D. Zuniega nga nagpasiugda sa kahinungdanon sa kababayen-an sa pamilya ug katilingban.

Gipaambit ni FO1 Regie A. Orio ang fire safety tips sa maong kalihukan, diin iyang gipasiugda nga importante nga makabalo ang mga kababayen-an niini kay sila maoy kasagarang mabilin sa balay.

‎Gipahigayon sa kalihokan ang table skirting-product expo competition diin gidisplay sa matag barangay nga women’s association ang ilang mga produkto, ug nakuha sa Brgy. Mahayahay ang 1st place og gipakita usab ang talento sa sayaw sa mga kababayen-an pinaagi sa line dance competition nga gikadaugan sa Brgy. San Juan.

‎Usa usab ka tribute dance ang gipakita sa mga kalalakin-an nga nakigselebrar sa Women’s Month, diin miapil sa sayaw si Vice Mayor, SB Portullano, mga kapitan, ug uban pang kalalakin-an.

‎Usa sa mga highlight sa kalihokan ang pagkakorona sa Ms. Charity 2026 nga naangkon sa Brgy. Matingbe.

‎Nagbahin usab og kahibalo si Krylle S. Palanan, Administrative Aide sa COMELEC, kabahin sa KEBS ug election awareness diin gipasiugda niya ang kahinungdanon sa pagiging maalamon ug responsable nga botante

‎Matud pa ni Mayor Kking, “Dakong utang kabubut-on sa mga kababayen-an ang atongkinabuhi, kay kung dili tungod sa ilang sakripisyo, dili ta makasinati sa kinabuhi nato karon.”

‎Ang maong kalihokan nagpakita sa padayon nga suporta sa LGU San Jose sa pagpalig-on sa kababayen-an pinaagi sa mga programa sa komunidad.

‎