Gipahigayon sa Munisipyo sa San Jose ang paghatag og livelihood assistance ngadto sa mga benepisyaryo sa Individual Livelihood ubos sa DOLE Integrated Livelihood Program (DILP) niadtong Abril 15, 2026.

Ang maong kalihokan gihimo sa pakigtambayayong sa Public Employment Service Office (PESO), ug gipangunahan ni Myrlinda J. Navarrete, PESO Manager-Designate.

Upat (4) ka indibidwal ang napiling benepisyaryo ug nakadawat og kompletong kagamitan ug suplay alang sa ilang barbeque business. Ang maong ayuda gitumong isip dugang kapital aron makasugod o makapalambo pa sa ilang ginagmay’ng panginabuhian, ilabina sa paghatag og lig-on nga pundasyon sa ilang adlaw-adlaw nga kita.

Sumala sa PESO, ang maong programa kabahin sa padayon nga paningkamot sa DOLE pinaagi sa DILP aron suportahan ang mga indibidwal nga nanginahanglan og oportunidad sa panginabuhian. Pinaagi sa paghatag og starter kits ug essential tools, gitinguha nga mapalig-on ang kakayahan sa mga benepisyaryo sa pagdumala sa ilang kaugalingong negosyo ug mahimong mas independente sa panginabuhi.

Gilauman nga pinaagi sa maong assistance, mas mapalambo pa sa mga benepisyaryo ang ilang mga negosyo ug makahatag og dugang kita alang sa ilang pamilya. Dugang pa, ginatan-aw kini nga usa ka paagi aron mapukaw ang lokal nga ekonomiya pinaagi sa pagdasig sa micro-entrepreneurship sa komunidad.

Nagpadayon ang LGU San Jose sa pagpalig-on sa mga programa nga naghatag og suporta sa panginabuhian sa katawhan, uban ang tumong nga mapamenosan ang kakabos ug mapalambo ang kahimtang sa kinabuhi sa matag pamilya sa lungsod.