Nagpahigayon ug miting ang Sangguniang Bayan sa San Jose uban sa Dinagat Island Electric Cooperative (DIELCO) niadtong Abril 6, 2026 sa DIELCO aron hisgutan ang isyu sa posible nga pag-limit sa suplay sa kuryente ug ang kahimtang sa serbisyo sa kuryente sa lalawigan.

Gituki sa miting ang mga isyu kalabot sa suplay sa kuryente, samtang gipatin-aw sa DIELCO nga walay kamatuoran nga maglimit ang suplay sa kuryente.

Giklaro usab nila nga walay pagtaas sa electricity rate isip ug gisiguro usab sa ahensya nga padayon ang koordinasyon sa LGU ug DIELCO aron mapadayon ang hapsay nga serbisyo sa komunidad.

Sumala ni Dir. Eduardo Mas-ing, BOD President sa DIELCO, walay angay ikabalaka ang publiko bahin sa suplay sa kuryente ug aduna na silay andam nga contingency plan o “Plan B” aron masiguro ang padayon nga serbisyo.

Ang miting gipangulohan ni Vice Mayor Rechard T. Pasquil kauban ang mga miyembro sa Sangguniang Bayan nga sila Hon. Clica C. Antipolo, Hon. Julmore T. Pesito, Hon. Felix Q. Portullano, Hon. Papias A. Tuquib, Hon. Ludwig B. Ecleo, ug Hon. Kim Valeri Tampon, SK Federated President. Kauban sa miting ang mga opisyal sa DIELCO nga sila Dir. Eduardo Mas-ing (BOD President), Darilyn Josol (Ins. Dev. Head / GM’s Secretary), Sabiana Narvasa (Staff Assistant), ug Engr. Hector Tasil (Acting TSD Manager).

Ang maong miting nakatabang sa pagpatin-aw sa kahimtang sa suplay sa kuryente ug pagpakalma sa mga pangandoy sa publiko.

Sa umaabot nga mga adlaw, magpadayon ang koordinasyon sa LGU ug DIELCO aron masiguro ang lig-on ug padayon nga serbisyo sa kuryente sa katawhan.