Gipasidunggan si Mayor Ruben J D. Zuniega ug Vice Mayor Rechard Pasquil sa 10th Nation Builders and MOSLIV Awards 2026 nga gipahigayon niadtong April 22, 2026 sa Grand Ballroom, Okada Manila sa Parañaque City.

Ang maong awarding ceremony gi-organisa sa Sustainability Standards, Incorporated (SSI) aron ilhon ang mga lider ug organisasyon nga nagpakita og maayong serbisyo ug kalamboan sa katilingban sa tibuok Pilipinas.

Si Mayor KKing nakadawat sa Local Chief Executive of the Year (Yellow Category) tungod sa iyang maayong pangdumala ug serbisyo alang sa katawhan sa San Jose. Samtang si Vice Mayor Pasquil nakadawat sa Vice Mayor of the Year (Yellow Category) tungod sa iyang epektibong mga balaod ug lihok alang sa kaayohan sa lungsod.

Sa miaging April 12, 2026, nakadawat usab sila og pasidungog sa Centennial Hall, The Manila Hotel. Si Mayor Ruben J D. Zuniega gihatagan sa Saludo Excellence Award for Outstanding Humanitarian and Leadership Service samtang si Vice Mayor Pasquil nakadawat sa Saludo Excellence Award for Outstanding Humanitarian and Community Service.

Mitambong sa kalihokan ang nagkadaiyang lider sa nasud ug mga pribadong indibidwal nga nagsuporta sa maong programa.

Ang sunod-sunod nga pag-ila nagpakita sa lig-on nga liderato sa lokal nga panggamhanan ug naghatag og dakong dungog sa katawhan sa San Jose.

Mapasalamaton si Mayor Ruben J D. Zuniega ug Vice Mayor Rechard Pasquil sa ilang nadawat nga pag-ila ug nagpadayon sila sa ilang paningkamot sa paghatag og mas maayong serbisyo sa katawhan sa umaabot nga panahon.