Gisugdan kagahapong adlawa ang 3-Day Smart Sustainable Communities Roadmap Session 3: Mind Mapping/ Problem Tree San Jose, PDI SSC Plan, Oktubre 15-17, 2025 sa Happy Nest Homestay, Sta. Cruz, San Jose, Dinagat Islands.

Gipasiugdahan kini sa Department of Science and Technology (DOST) sa pakigtambayayong niini sa Municipal Planning and Development Office (MPDO).

Aktibo nga mipartisipar ang LGU-San Jose ilawon sa pagdumala ni Mayor Ruben J D. Zuniega, ahensya sa Department of Trade and Industry (DTI), ug Department of Environmental and Natural Resources (DENR) isip kabahin sa pillars.

Gibahin sa unom (6) ka pillars ang mga partisipante nga gilangkuban sa Smart Mobility, Smart Economy, Smart Governance, Smart Environment, Smart People, ug Smart Living.

Mipaabot sa iyang mensahe si DOST-PDI OIC-Provincial Director Roberto Zandro J. Olaguer og siya malaomon nga magpadayon ang tanang partisipante gikan Day 1 hangtod Day 3 aron aduna’y continuity sa mga impormasyon ug datos nga gi-provide sa nagkalain-lain nga aktibidad.

Aduna’y gipahigayon nga workshop ang matag pillar sama sa Scenario Building — Preferred Future Statement, SWOT-TOWS Analysis diin lakip niini ang pag-ila sa kahuyang ug kusog sa matag pillar, mga oportunidad, mga hulga, ug kung unsaon paghubad niini ngadto sa aksyonabol nga estratehiya.