BISAN SA KATAPUSANG ADLAW sa ALAB: SK Island-Wide Convention 2025, gipakita sa mga delegado ang ilang kadasig ug tinguha sa pagdala og kaayohan sa ilang mga komunidad.

SK ISLAND-WIDE CONVENTION 2025 SUCCESSFULLY CONCLUDES

Nagsugod ang adlaw sa usa ka recap sa mga nahitabo sa miaging sesyon, gisundan sa usa ka aktibidad sa paghimo og commitment nga nagpalig-on sa determinasyon sa mga kabatan-unan sa pagpasiugda og mga proyekto nga makahatag og tinuod nga kausaban.

Gihatagan usab og higayon ang mga delegado nga masinati ang kultura sa Zamboanga pinaagi sa pagbisita sa sikat nga Fort Pilar Museum, nga nagpalalom sa ilang pagsabot sa kasaysayan ug kultura.

Nagpakita usab ang mga partners sa ilang suporta pinaagi sa mensahe alang sa mga delegado, nga gisundan sa pag-award sa certificates isip pasidungog sa ilang hingpit nga partisipasyon sa tulo ka adlaw nga konbensyon.

Gisundan kini sa usa ka evaluation session ug mga pinal nga administrative announcements sa wala pa ang ilang pagpauli.

Ang malampusong pagtapos sa ALAB convention nagpamatuod sa dedikasyon, panaghiusa, ug komong misyon sa SK Federation sa San Jose, nga gipangulohan ni Hon. Kim Valeri A. Tampon ug Hon. Jessie Bae Paredes.