Pormal nang gilunsad ang Smart and Sustainable Communities Program (SSCP) Roadmap sa San Jose niadtong August 27, 2026, isip kabahin sa 2026 Caraga Regional Science, Technology, and Innovation Week (RSTW), nga naglatid sa direksyon sa lungsod padulong sa mas smart, sustainable, resilient, ug inclusive nga komunidad.

Ang maong roadmap naglatid sa direksyon sa San Jose sa paggamit sa science, technology, ug innovation isip mga himan sa pagpalambo sa serbisyo, pag-atubang sa mga panginahanglan sa komunidad, ug pag-andam alang sa umaabot.

Ang roadmap naporma pinaagi sa serye sa mga konsultasyon ug kolaborasyon tali sa Lokal nga Panggamhanan sa San Jose, Department of Science and Technology (DOST) Caraga, ug mga stakeholders, diin natampo ang ilang mga ideya, kahibalo, ug expertise sa pag-ila sa mga prayoridad ug panginahanglan sa lungsod.

Ubos sa pagpangulo ni Mayor Ruben J D. Zuniega, padayon nga gisuportahan sa Lokal nga Panggamhanan sa San Jose ang mga inisyatibo nga nagpalig-on sa paggamit sa science, technology, ug innovation alang sa mas episyente nga serbisyo ug mas lig-on nga komunidad.

Gisuportahan usab sa Sangguniang Bayan of San Jose ang pagsagop sa maong roadmap pinaagi sa Resolution No. 156, Series of 2026, ubos sa pagpangulo ni Vice Mayor Rechard Pasquil ug sa mga miyembro sa Sangguniang Bayan.

Pinaagi sa maong roadmap, gilauman nga mas klaro ang direksyon sa sunod nga mga lakang sa San Jose alang sa pagpalambo sa mga inisyatibo nga nakasentro sa teknolohiya, sustainability, ug innovation, nga nagtumong sa mas maayong serbisyo ug mas lig-on nga komunidad.