Nakadawat og dakong dungog ang Lokal nga Gobyerno sa San Jose ubos sa pagdumala ni Mayor Ruben J. “K-King” Zuniega sa 2025 Caraga Regional Excellence Awards (CREA) nga gipahigayon niadtong Nobyembre 7, 2025 sa Almont Inland Resort, Butuan City.

Personal nga midawat sa mga pasidungog si Mayor K-King kauban nila LGOO VI Donna Dial Madelo, Full Disclosure Policy Focal/MIO Jurie S. Mancia, ug Engr. Ariane Buhian. Ang LGU San Jose nakadawat og tulo ka importante nga awards:

• CY 2024 Good Financial Housekeeping Assessment
• 2025 Regional Subaybayani Awards
• 2025 Child-Friendly Local Governance Audit (CFLGA) Passer

Nagpakita kini nga klaro ang paggamit sa pondo, hapsay ang dagan sa pagdumala, ug lig-on ang serbisyo para sa katawhan. Usa kini ka timailhan nga seryoso ang LGU sa pagtuman sa mga lagda ug sa paghatag og maayong serbisyo publiko.

Gidayeg sa rehiyon ang LGU San Jose tungod sa padayong pagpakita sa maayo nga pamalaod ug pag-atiman sa mga pamilya ug kabataan.

Congratulations, LGU San Jose!