Nakadawat og Rice Relief Assistance ang mga kwalipikadong benepisyaryo sa nagkalain-laing barangay sa San Jose isip kabahin sa paghatag og dugang nga suporta sa mga residente alang sa ilang pang-adlaw-adlaw nga panginahanglan.
Ang maong assistance giimplementar ubos sa Local Government Support Fund–General Enhancement Fund (LGSF-GEF) 2026, diin gipadayon ang pag-apod-apod sa rice assistance ngadto sa mga kwalipikadong benepisyaryo sa nagkalain-laing bahin sa lungsod.
Gipahigayon ang distribution sumala sa gitakdang schedule ug venue sa matag barangay aron mas hapsay ang paghatag sa assistance ngadto sa mga benepisyaryo. Ang mga kwalipikadong residente gihatagan og higayon nga makadawat sa ilang gitakdang rice assistance subay sa mga requirements ug guidelines sa programa.
Ang maong programa naghatag og dugang nga tabang sa mga benepisyaryo aron makatubag sa ilang panginahanglan sa pagkaon ug isip suporta sa ilang inadlaw-adlaw nga panginabuhi.
Padayon usab ang koordinasyon sa lokal nga panggamhanan ug mga barangay sa pagpatuman sa programa ug pagsiguro nga mahatag ang assistance ngadto sa mga kwalipikadong benepisyaryo sumala sa gitakdang proseso.
Pinaagi sa Rice Relief Assistance, padayon nga gihatagan og pagtagad ang mga programa nga nagtumong sa paghatag og suporta sa mga residente ug pagpalambo sa ilang kaayohan, ilabina sa pagtabang sa mga panginahanglanon sa mga pamilya sa komunidad.
