Nakig-kortesiya sila SJKABITAK President Renel S. Lita, SJKABITAK Vice-President Analita G. Calamba inubana sa ilang mga membro ngadto kang Mayor Ruben J D. Zuniega niadtong, Oktubre 17, 2025, sa Municipal Mayor’s Office, Sta. Cruz, San Jose, Dinagat Islands.

Gihisgutan sa panagkita ang pagpangayo og suporta sa SJKABITAK alang sa umaabot nga mga programa nga makatabang sa mga Persons with Disabilities (PWDs) sa komunidad, nga naglantaw sa paghatag og mga kahigayonan alang sa inklusibo nga pag-uswag ug pagpalig-on sa ilang mga katungod.

Giimbitar usab sa SJKABITAK si Mayor Zuniega sa ilang Year-End Party, nga usa ka selebrasyon sa pagpasalamat alang sa iyang walay hunong nga suporta sa mga programa ug inisyatibo sa organisasyon alang sa mga PWD.

Sa laing bahin, nagrequest usab si Mayor Zuniega sa Municipal Engineering Office (MEO) nga susihon ang School Building sa Special Education (SPED) sa Central Elementary School aron masiguro ang kaluwasan sa mga estudyante.