Posted on by Sarah Mendoza

Aktibong miapil ang mga opisyal ug empleyado sa Municipal Government of San Jose sa Provincial Evaluation Drill nga gipahigayon niadtong Agosto 13, 2026, sa Municipal Building, Brgy. Sta. Cruz, San Jose, Dinagat Islands. Gipahigayon ang Earthquake Drill aron masusi ang lebel sa kaandam ug kapasidad sa munisipyo sa hustong pagtubag sa panahon sa linog.

Pangunang tumong sa kalihukan ang pagsusi sa pagpatuman sa mga emergency procedures ug sa koordinasyon sa mga concerned offices atol sa simulated earthquake scenario. Gipraktis ang “Duck, Cover, and Hold,” hapsay nga evacuation, personnel accountability, emergency communication, ug uban pang pamaagi sa pagresponde sa emerhensiya.

May be an image of one or more people and text that says 'SON SONJOSE SNJOSE JOSE IMEMSUNGE! 110 f facebook.com/sanjosedi sanjosedi.gov.ph ph'

Gihisgotan usab ang risk profile sa Pilipinas ug Dinagat Islands, lakip ang mga hinungdan sa linog ug mga posibleng secondary hazards sama sa ground shaking, landslide, liquefaction, tsunami, ug structural damage. Gihatagan usab og gibug-aton ang mga katungdanan ug koordinasyon sa mga miyembro sa Disaster Control Group (DCG) pinaagi sa practical exercises ug simulation presentations.

May be an image of one or more people and text that says 'SONJOSE SON JOSE RESCUE RESCUE RESCUE たーり 궁한 ESCUE f facebook.com/sanjosedi sanjosedi.gov.ph ph'

Kabahin sa kalihukan ang pag-develop sa Building Earthquake Evacuation Plan (BEEP) pinaagi sa on-site building evaluation ug assessment sa mga evacuation routes. Gigamit usab ang standardized evaluation tool aron masusi ang implementasyon sa earthquake drill, mahibal-an ang mga aspeto nga maayo nang napadagan, ug mailhan ang mga bahin nga kinahanglan pang mapaayo.

May be an image of one or more people and text that says 'SON SONJOSE SONJOSE JOSE OFFIGA f facebook.com/sanjosedi sanjosedi.gov.ph ph'

Gipangunahan ang kalihukan sa Municipal Disaster Risk Reduction and Management (MDRRM) Office, uban sa mga evaluator gikan sa Provincial Disaster Risk Reduction and Management Office (PDRRMO) ug mga personnel sa MDRRM Offices gikan sa ubang mga munisipyo.

May be an image of one or more people and text that says 'SON SONJOSE JOSE T RESCUE E f facebook.com/sanjosedi sanjosedi.gov.ph ph'

Pinaagi sa maong kalihukan, nasuta ang lebel sa kahandam sa LGU San Jose ug ang mga aspeto sa disaster preparedness ug response nga kinahanglan pang mapalig-on. Ang mga nahisgutan ug naobserbahan atol sa drill mahimong basihan sa padayong pagpauswag sa mga pamaagi ug mekanismo sa munisipyo aron mas mapalambo ang kaandam, koordinasyon, ug kapasidad sa pagresponde sa mga emerhensiya, alang sa mas luwas ug mas andam nga komunidad.