Nakig-kortisiya kang Mayor Ruben J D. Zuniega ang Department of Social Welfare and Development nga gipangunahan ni PDO II DSWD-SLP Nestor F. Carmen kauban sila PDO II Johara H. Mangray, Local PDO Larry J. Langamin, Local PDO Jean P. Redoble ug DSWD Partnership Officer Lorie Mae E. Pameran aron sa pagpahibalo nga aduna’y Awardee sa GAWAD SULONG, Oktubre 8, 2025, sa Municipal Mayor’s Office, Sta. Cruz San Jose, Dinagat Islands.

Nagdala sa tibuok Lungsod ang pasidungog nga nakadawat ug 2nd Place GAWAD SULONG *Yabong Award* under the Best micro-enterprice Development Individual Special Projects Category sa tibuok nasud si PRIS HOMEMADE FOOD TRADING Priscilla E. Soliva nga naghuya sa Barangay Cuarinta.

Dakong kalipay ni Mayor K-king ang maong pasidungog nga nadawat sa iyang mga lumulupyo diin gipahayag niya nga kini usa ka testamento sa kakugi ug dedikasyon sa mga San Joseanon sa pagpalambo sa ilang panginabuhi.

Dugang pa niya nga ang lokal nga pangagamhanan padayon nga mosuporta sa mga micro-enterprise aron mas daghan pa ang makabenepisyo ug makab-ot ang kalambuan sa ilang tagsa-tagsa ka panginabuhian.