Posted on by Sarah Mendoza

SAN JOSE, DINAGAT ISLANDS — Malampusong gipahigayon sa Lokal nga Panggamhanan sa San Jose, pinaagi sa Municipal Disaster Risk Reduction and Management Office (MDRRMO), ang Culmination Program sa selebrasyon sa National Disaster Resilience Month (NDRM) 2026 niadtong Hulyo 31, 2026 sa Municipal Covered Court, Brgy. Sta. Cruz, San Jose, Dinagat Islands.

May be an image of text that says 'SON SONJOSE JOSE RRMC A.CONC PINAS DRRMC LIG-ONNGA SANJOSE Municipality MunicipalityofSanJose of San Jose, Provinceot of Dinagat Islands Joins the nation in observance of NDRM2026 NAGHAHANDA AT KUMIKILOS SAPANATAG SA NA BAGONGPILIPIN BAGONG ILIPINA NATIONAL DISASTER RESILIENCE MONTH |JULY2 |JULY2026 2026 GULMINATION PROGRAM f facebook.com/sanjosedi sanjosedi.gov.ph ph'

Gisubay sa maong selebrasyon ang tema nga “Naghahanda at Kumikilos Para sa Panatag na Bagong Pilipinas,” nga naghatag og gibug-aton sa kamahinungdanon sa pagpangandam, hustong paglihok, ug panaghiusa sa nagkadaiyang sektor alang sa mas lig-on ug disaster-resilient nga komunidad.

Mitambong sa maong kalihukan sila Municipal Mayor Ruben J. D. Zuniega ug Vice Mayor Rechard T. Pasquil, uban sa mga miyembro sa Sangguniang Bayan, mga Department Heads, National Line Agencies, Barangay Officials, Barangay Disaster Risk Reduction and Management Committees (BDRRMCs), San Jose Responders, Senior Citizens, partner agencies, ug uban pang stakeholders nga mipakita sa ilang suporta sa mga inisyatibo alang sa disaster preparedness ug resilience.

May be an image of text that says 'SON SONJOSE JOSE SYER ER S Se - LLPP όχε f facebook.com/sanjosedi sanjosedi.gov.ph gov ph'

Sa iyang mensahe, gipasiugda ni Mayor Ruben J. D. Zuniega ang kamahinungdanon sa panaghiusa, pagpangandam, ug aktibong partisipasyon sa matag sektor aron mapalig-on ang kapasidad sa komunidad sa pag-atubang sa nagkadaiyang peligro ug kalamidad.

Nagpasalamat usab si Vice Mayor Rechard T. Pasquil sa mga responders tungod sa ilang padayong serbisyo ug pag-alagad sa katawhan. Giila niya ang ilang kakugi, kaisog, ug sakripisyo sa pagtuman sa ilang katungdanan, ilabi na sa mga panahon nga nag-atubang ang komunidad og mga sitwasyon nga nagkinahanglan og dali ug organisadong pagtubag.

May be an image of ‎dais and ‎text that says '‎SONJOSE SON JOSE SASTER REPAREDNESS LE Member ISQUIL SAVES LIVES د1 aن ーー 고60원 Sameng NODMION f facebook.com/sanjosedi sanjosedi.gov.ph gov. ph sanjosedi.‎'‎‎

Usa sa mga importanteng bahin sa programa ang Awarding of Certificates and Recognition ngadto sa mga partner stakeholders, volunteers, ug partner agencies isip pag-ila sa ilang kontribusyon ug padayong suporta sa pagpatuman sa mga programa ug kalihokan alang sa disaster preparedness, response, ug resilience sa lungsod.

Gipasidunggan usab atol sa programa ang mga kampyon sa Song and Yell Contest ug Spoken Poetry Contest, nga nahimong kabahin sa mga kalihokan atol sa selebrasyon. Gipakita usab pinaagi sa audio-visual presentation ang mga highlights sa nagkadaiyang kalihokan nga gipahigayon sulod sa tibuok bulan sa pagsaulog sa National Disaster Resilience Month 2026.

May be an image of one or more people and text that says 'SON SONJOSE JOSE f facebook.com/sanjosedi sanjosedi.gov.ph ph'

Ang maong Culmination Program nahimong higayon aron matigom ang nagkadaiyang sektor nga aktibong miapil sa mga kalihokan sa NDRM 2026 ug aron mahatagan og pag-ila ang mga indibidwal, grupo, ug organisasyon nga mitampo sa pagpalig-on sa disaster preparedness ug resilience sa San Jose.

Pinaagi sa padayong koordinasyon ug pakigtambayayong sa lokal nga panggamhanan, barangay, national government agencies, responders, volunteers, ug mga stakeholders, padayon nga gipalig-on ang mga lakang alang sa mas andam ug mas lig-on nga komunidad.

May be an image of one or more people, people playing basketball and text that says 'SONJOSE JOSE SON W オハトパきジ f facebook.com/sanjosedi sanjosedi.gov.ph ph'

Magpadayon ang LGU San Jose, pinaagi sa MDRRMO ug uban pang partner agencies ug stakeholders, sa pagpalambo sa mga programa ug inisyatibo nga nagtumong sa pagpalig-on sa kahandam, pagpakunhod sa risgo sa kalamidad, ug pagpanalipod sa kinabuhi ug kabtangan sa katawhan.