Malampusong gipahigayon ang Monthly Learning Session ug Updates on Civil Registration niadtong Abril 16, 2026 sa Sangguniang Bayan (SB) Session Hall, Municipal Building, Sta. Cruz, San Jose, Dinagat Islands.

Ang maong kalihokan gitambongan sa mga Municipal Civil Registrars (MCRs) gikan sa nagkalain-laing munisipyo sa probinsya sa Dinagat Islands, uban sa ilang national partner nga Philippine Statistics Authority (PSA). Ang miting nagsilbi usab nga plataporma sa paghisgot sa pinakabag-ong mga palisiya, guidelines, ug updates nga may kalabutan sa civil registration.

Gipangunahan ang pag-organisa sa maong aktibidad sa Municipal Civil Registrar’s Office (MCRO) sa San Jose, ubos sa pagpangulo ni Municipal Civil Registrar Ana Marie T. Pondoc.

Pinaagi niini nga inisyatibo, gilauman nga mas mapalambo pa ang koordinasyon tali sa lokal nga Civil Registrars ug sa PSA, ug mas mapalig-on ang paghatag og maayo, episyente, ug matinud-anon nga serbisyo publiko alang sa tanang katawhan sa probinsya.