Posted on by Sarah Mendoza

Malampusong gipahigayon niadtong Agosto 11, 2026 ang pag-apod-apod sa cash assistance ubos sa Presidential Assistance for Farmers and Fisherfolks Program (PAFFP) 2026 sa Municipal Covered Court sa San Jose, Dinagat Islands.

May be an image of one or more people, people studying and text that says 'SON SONJOSE JOSE DC P adly Mι JISE TABLE 2 f facebook.com/sanjosedi sanjosedi.gov.ph ph sanjosedi.'

Gipangunahan sa Department of Agriculture (DA) Caraga Region ang maong kalihokan, sa pakigtambayayong sa Lokal nga Panggamhanan sa San Jose pinaagi sa Municipal Agriculture Office (MAO), ubos sa pagdumala ni Municipal Agriculturist Jo-Ann M. Gonzales.

Sa kinatibuk-an, 156 ka benepisyaryo ang nakadawat sa cash assistance, diin 50 ka benepisyaryo gikan sa rice sector ug 106 gikan sa corn sector.

May be an image of ‎one or more people and ‎text that says '‎SON SNJOSE -II SONJOSE JOSE # د f facebook.com/sanjosedi sanjosedi.gov.ph ph‎'‎‎

Ang PAFFP usa ka programa sa gobyerno nga nagtumong sa paghatag og direktang cash assistance ngadto sa mga mag-uuma ug mangingisda aron matabangan sila sa pag-atubang sa mga hagit sa ilang panginabuhi ug sa mga gasto nga may kalabotan sa produksyon, ilabina sa pagpalit sa gikinahanglang farm inputs.

Sa iyang mensahe, gipahayag ni Vice Mayor Rechard T. Pasquil ang iyang pagpasalamat sa DA Caraga Region alang sa padayon nga suporta ug sa cash assistance nga gihatag ngadto sa mga mag-uuma sa San Jose. Iyang giila ang mga mag-uuma isip importanteng haligi sa komunidad ug mga bayani sa sektor sa agrikultura.

May be an image of one or more people and text that says 'SONJOSE SON SONJO OSE f f facebook.com/sanjosedi sanjosedi.gov.ph ph'

Aktibong mitambong sila Vice Mayor Rechard T. Pasquil, SB Member Papias A. Tuquib, Provincial Agriculturist Rico B. Galinato, OIC DA/APCO PDI Ryan C. Bucabal, mga personnel sa Municipal Agriculture Office ug Department of Agriculture Caraga Region, ug ang mga benepisyaryong mag-uuma.

Pinaagi sa PAFFP, nagpadayon ang gobyerno sa paghatag og suporta sa mga mag-uuma aron matabangan sila sa ilang mga panginahanglanon sa produksyon ug mapalig-on ang ilang panginabuhi.