SAN JOSE, Dinagat Islands — Gipahigayon karong Marso 24, 2026 ang screening alang sa mga interesadong mahimong tour guide sa Municipal Covered Court, Municipal Compound sa Brgy. Sta. Cruz, isip kabahin sa umaabot nga tour guiding training nga ipatuman sa Municipal Tourism Office.
Ang maong kalihokan gipangunahan nila Sir Paul Mark “Eros” Q. Bocota, Municipal Tourism, Culture and Arts Officer, ug Sir Danilo Bulabos, LPT, DJEMC Instructor. Gisusi sa screening ang kahibalo, abilidad sa komunikasyon, ug kahimtang sa mga aplikante aron masiguro nga andam sila alang sa maong training.
Tumong sa kalihokan ang pagpili og mga angayan nga partisipante nga mahimong epektibong tour guide ug makatabang sa pagpalambo sa sektor sa turismo sa lungsod.
Sumala sa Municipal Tourism Office, ang maong inisyatibo kabahin sa padayon nga paningkamot sa lokal nga panggamhanan sa San Jose sa pagpalig-on sa turismo pinaagi sa pag-andam og mga kwalipikado ug kompetenteng tour guide nga mahimong representasyon sa kultura ug atraksyon sa lugar.