Gisiguro ni Mayor Ruben J “Kking” D. Zuniega ang pagbisita sa usa ka fully functional water system project sa probinsya sa Cebu isip kabahin sa pagpangandam sa implementasyon sa Potable Water System Project sa lungsod sa San Jose.

Ang maong proyekto nga pondohan sa World Bank gitumong aron masiguro nga igo, kasaligan ug limpyo nga suplay sa tubig alang sa mga panimalay sa lungsod.

Sumala pa ni Mayor Kking, ang maong potable water system makatabang sa pagpalambo sa lokal nga ekonomiya, tungod kay ang kasaligan nga suplay sa tubig usa sa mga nag-unang panginahanglanon sa mga investor ug umaabot nga proyekto sa lungsod.

Pinaagi niini, naglaum ang lokal nga pangagamhanan nga masulbad ang dugay nang problema sa kakulang sa tubig ug masiguro ang mas maayong kalidad sa serbisyo alang sa mga katawhan sa San Jose.