Gibugkos ni Mayor Ruben J “K-king” Zuniega sa ilang kaminyuon ang duha (2) ka magtiayon nga silang Noeme Rose A. Bereño & Rogel S. Beloy nga taga P-3 Poblacion, San Jose ug Ivy D. Manhuyod & Mole T. Bontigao nga taga P-7 Melgar, Basilisa, Dinagat Islands.

Nanumpa sa atubangan ni Mayor K-king ang duha ka magtiayon nga sila magminahalay ug magsinabtanay sa kalisod, kalipay, kasakit, ug hangtod sa kahangturan karong adlawa, Disyembre 10, 2025 ngadto sa Mayor’s Office, Municipal Building, Sta. Cruz, San Jose, Dinagat Islands.

Base sa detalye, ang usa nila nag-ipon na sulod sa walo ka tuig ug ang usa usab sulod sa baynte (20) ka tuig ug karon lang nila nadesisyonan nga mahimong legal ang ilang kaminyuon diin si Mayor K-king ilang napili nga magbugkos nila isip legal nga magtiayon.

Makita ang kakulba ug kalipay sa bag-o nga magtiayon kauban ang mga misaksi nga mga Ninong ug Ninang ug pamilya nga kung diin sila gitugyan nga magpadayag sa ilang tambag aron nga mamahimong lig-on ang kaminyuon sa duha ka bag-ong kasal. #MabuhayAngBagongKasal #LigOnNgaSanJose #KatawhanAngHari