Pormal nga nadawat sa Lokal nga Panggamhanan sa San Jose ang Emergency Telecommunications Equipment ug Emergency Operations Center (EOC) assets gikan sa World Food Programme (WFP) Philippines atol sa forum nga The Big One: Understanding Earthquake and Earthquake Hazard in Dinagat Islands niadtong Marso 23, 2026 sa Provincial Guest Center, Brgy. Cuarinta, San Jose, Dinagat Islands.

Ang maong ekwipo gidawat ni Vice Mayor Rechard Pasquil isip OIC-Mayor, uban nila MDRRMO Mhelgrace Piquero, Engr. Alex Navarra, ug SB Member Kim Valeri Tampon.

Lakip sa mga nadawat nga kagamitan mao ang usa ka Starlink Residential System nga adunay unlimited roam subscription, tulo ka IT components (lakip ang cloud key, router/firewall, ug access point), napulo ka handheld radios ug usa ka base radio, generator, desktop computer, laptop, TV monitor, ug uban pang support equipment. Ang kinatibuk-ang kantidad niini mikabat sa ₱808,630.45.

Dako kini nga tabang sa pagpalig-on sa Emergency Operations Center (EOC) sa San Jose, ilabi na sa paghatag og paspas ug episyenteng serbisyo sa katawhan panahon sa kalamidad ug emerhensya.

Ang LGU San Jose mapasalamaton sa WFP Philippines sa ilang padayon nga suporta, nga nagpunting sa pagpalambo sa kaluwasan ug kaayohan sa katawhan sa lungsod.