Posted on by Sarah Mendoza

SAN JOSE, Dinagat Islands — Gipahigayon ang Advocacy on Special Laws Protecting Women and Children niadtong Marso 26, 2026 sa Municipal Covered Court sa Brgy. Sta. Cruz, nga gipangunahan sa Municipal Social Welfare and Development Office (MSWDO).

Tumong sa maong kalihokan ang paghatag og kahibalo ilabi na sa mga kalalakin-an sa Local Government Unit (LGU) San Jose kabahin sa mga balaod nga nagpanalipod sa kababayen-an ug kabataan, lakip na ang Republic Act 9262 o Anti-Violence Against Women and Their Children Act ug Republic Act 8353 o Anti-Rape Law.

May be an image of one or more people and text that says 'SON SONJOSE JOSE 2 Seleer MEVRS R6 f facebook.com/sanjosedi sanjosedi.gov.ph gov. ph sanjosedi.'

Sumala kang PLT Creztadel L. Goring, dako ang papel sa mga lalaki sa komunidad sa pagpanalipod ug pagrespeto sa katungod sa kababayen-an ug kabataan, maong importante nga sila makasabot ug makakat-on sa maong mga balaod.

Mitambong sa kalihokan ang mga kalalaking empleyado sa LGU San Jose nga aktibong naminaw ug miapil sa diskusyon. Pinaagi niini, nadugangan ang ilang kahibalo ug nasabtan ang ilang responsibilidad isip mga miyembro sa komunidad sa pagpanalipod sa mga bulnerable nga sektor.

May be an image of one or more people and text that says 'SON SON JOSE SONJOSE ・・知は பபந் SITIC CELTIN f facebook.com/sanjosedi sanjosedi.gov.ph ph'

Padayon ang LGU San Jose sa pagpalig-on sa mga programa ug inisyatibo nga nagpunting sa edukasyon, disiplina, ug proteksyon aronmasiguro ang kaluwasan ug kaayohan sa tanang katawhan.