Nagpahigayon og tree growing activity ang San Jose Women’s Federation kauban ang Municipal Environment and Natural Resources Office (MENRO) ug ang Women and Children Protection Desk (WCPD) niadtong Marso 6, 2026 sa Municipal Police Station Arboretum Park, Sitio Mahangin, Barangay Wilson, San Jose, Dinagat Islands.

Ang maong kalihukan gitambongan sa mga miyembro sa Women’s Federation, kauban ang mga kawani sa MENRO ug mga personahe sa WCPD. Naghiusa sila sa pagtanom og kahoy sa nagkalain-laing bahin sa Arboretum Park.

Sumala sa mga nag-organisa, ang aktibidad nagpakita sa aktibong partisipasyon sa kababayen-an sa mga programa alang sa pagpanalipod ug pag-atiman sa kinaiyahan, ilabi na sa mga inisyatibo sa reforestation ug pagpadaghan sa mga kahoy.

Kini nga kalihukan nagpakita nga aktibo ang kababayen-an sa pagtabang ug pagpalig-on sa mga inisyatibo pangkinaiyahan ilabi na sa pagpadaghan sa mga kahoy.