‎Gipahigayon ang 1st Quarter Joint Meeting sa Municipal Peace and Order Council (MPOC) ug Municipal Anti-Drug Abuse Council (MADAC) niadtong Marso 5, 2026 sa SB Session Hall, Municipal Building sa Sta. Cruz, San Jose nga gipangulohan ni MPOC/MADAC Chairperson Mayor Ruben J D. Zuniega.

‎Gihisgutan sa miting ang kahimtang sa peace and order ug public safety sa lungsod ug ang mga pagpangandam alang sa umaabot nga Holy Week.

‎Gipresentar usab ang kahimtangan sa CSO Clearance Application ug ang nagkadaiyang audit ubos sa DILG Performance Audit 2026, lakip ang Lupong Tagapamayapa Incentives Award, ADAC ug POC Audit ug gihatag usab ang report sa First Quarter 2026 Budget Utilization.

‎Sa miting, gipahibalo usab sa presidente sa SJMODA ang reklamo sa grupo sa mga kolorum nga sakyanan, ug gidasig ang mga commuter nga mosakay lamang sa mga rehistrado nga public transport aron masiguro ang kaluwasan ug kahapsay sa biyahe.

‎Gihisgutan usab sa konseho ang nagpadayon nga mga programa sa MADAC sama sa Balay Silangan, Drug-Free Workplace, ug mga social programs alang sa Persons Who Use Drugs (PWUDs), lakip na ang pag-endorso sa resolusyon sa “Run for a Drug-Free San Jose” isip IDADAIT activity sa Hunyo 2026.

‎Mitambong sa maong panagtigum ang mga miyembro sa duha ka konseho kauban ang mga representante gikan sa nagkalain-laing national ug local government agencies, naa usab ang presensya sa CSO representatives ug uban pang stakeholders nga nagtinabangay sa pagmintinar sa kalinaw, kahapsay, ug kaluwasan sa lungsod.

‎Ang kalinaw, kahapsay, ug kaayohan sa lungsod ginapalig-on pinaagi sa panaghiusa sa mga nag-alagad sa katawhan.