Posted on by Sarah Mendoza

Gipahigayon ang “3-Day Basic Incident Command System (ICS) Course” sa Southville Hotel and Convention Center sa Butuan City niadtong Abril 14 hangtod 16, 2026 nga gitambongan sa mga miyembro sa Municipal Disaster Risk Reduction and Management Council (MDRRMC) sa San Jose, lakip ang mga representante gikan sa nagkadaiyang barangay sa lungsod.

Ang maong pagbansay gipatuman pinaagi sa panag-uban sa World Food Programme (WFP) ug sa CARAGA Alliance of DRRMOs, Inc. (CADRRMOs, Inc.), nga naglakip sa mga lecture, workshop, ug simulation exercises aron mapalig-on ang kahibalo ug kahanas sa mga partisipante sa pagdumala sa emerhensya ug kalamidad.

May be an image of one or more people, lighting, table and text that says 'SON SONJOSE JOSE 者 Kл: SAVING TES 全面造 O IICIDENT f facebook.com/sanjosedi sanjosedi. sanjosedi.gov.ph gov. ph'

Pinaagi sa aktibong partisipasyon sa mga ehersisyo ug diskusyon, gilauman nga mas mapalambo ang koordinasyon tali sa MDRRMC ug mga barangay, ilabina sa panahon sa mga krisis ug kalamidad.

Nagpadayon ang LGU San Jose sa iyang pasalig sa pagpatuman sa mga programa nga magpalig-on sa disaster preparedness ug koordinasyon sa matag barangay aron mas maprotektahan ang kinabuhi ug kabtangan sa katawhan.