Posted on by Sarah Mendoza

Opisyal nang gisugdan ang pagtukod sa bag-ong Municipal Executive Building sa San Jose pinaagi sa Groundbreaking Ceremony nga gipahigayon niadtong Hulyo 31, 2026 sa Municipal Compound, Sta. Cruz, San Jose, Dinagat Islands, isip kabahin sa mga pagpaningkamot sa lokal nga panggamhanan sa pagpalig-on sa operasyon ug paghatag og serbisyo publiko.

Ang maong kalihokan gipangulohan sa Department of Public Works and Highways (DPWH) Dinagat Islands District Engineering Office uban sa Lokal nga Panggamhanan sa San Jose, ug gitambongan sa mga opisyal sa nasyonal ug lokal nga panggamhanan, mga representante sa DPWH, ug uban pang mga stakeholder.

May be an image of text that says 'SON SONJOSE SNJOSE JOSE BAN f facebook.com/sanjosedi sanjosedi.gov.ph ph'

Gisugdan ang kalihokan pinaagi sa opening message ni Vice Mayor Rechard T. Pasquil, diin iyang gipasalamatan ang padayon nga suporta ug paningkamot ni Congresswoman Arlene “Kaka” J. Bag-ao nga nakatampo sa pagtukod sa Municipal Executive Building ug sa pagdala sa mga proyekto alang sa San Jose.

May be an image of one or more people and text that says 'SONJ SONJOSE JOSE 1 Bn -Ka -٠ ाब N S f facebook.com/sanjosedi sanjosedi.gov.ph gov. ph sanjosedi.'

Gisundan kini sa pagpresentar sa project overview ni Engr. Jade C. Genova, Project Engineer, diin iyang gilatid ang mga nag-unang detalye kabahin sa disenyo, implementasyon, ug pagpatuman sa bag-ong Municipal Executive Building.

Gipadayag usab ni District Engineer Cyril T. Aranas Jr. ang iyang mensahe alang sa maong proyekto, diin iyang gipasiugda ang hingpit nga suporta sa DPWH Dinagat Islands District Engineering Office sa mga inisyatibo alang sa San Jose. Gipasalamatan usab niya ang pagpaluyo ni Congresswoman Arlene “Kaka” J. Bag-ao ug mipasalig nga ilang tutukan ang kalidad ug hustong pagpatuman sa proyekto sulod sa gitakdang panahon.

May be an image of one or more people, slow loris and text that says 'SON SON SONJOSE JOSE f facebook.com/sanjosedi sanjosedi.gov.ph facbokocok/rmomee ph'

Mipahayag usab sa ilang mga mensahe si Mayor Ruben J D. Zuniega ug Congresswoman Arlene “Kaka” J. Bag-ao, diin ilang gipasalamatan ang suporta sa nagkalain-laing sektor ug gipasiugda ang papel sa maong proyekto sa pagpalig-on sa mga pasilidad ug serbisyo sa lokal nga panggamhanan.

May be an image of one or more people and text

Usa sa mga highlight sa kalihokan mao ang “Ceremonial Shovel Dig,” nga gipangulohan sa mga key officials isip simbolo sa opisyal nga pagsugod sa pagtukod sa bag-ong Municipal Executive Building.

May be an image of one or more people and text that says 'SONJOSE JOSE SON ZUNIEGA,R R ZUNIEGA 笑 S5 f facebook.com/sanjosedi sanjosedi.gov.ph ph sanjosedi.'

Sa iyang closing remarks, gipasalamatan ni Engr. Alex C. Navarra ang tanang miapil sa maong kalihokan ug gipasiugda ang kamahinungdanon sa kooperasyon sa tanang sektor aron malampuson nga mahuman ang proyekto.

Gilauman nga ang bag-ong Municipal Executive Building mahimong kabahin sa padayon nga pagpalig-on sa operasyon, koordinasyon, ug paghatag og serbisyo publiko alang sa katawhan sa San Jose.