Gipahigayon ang Executive Committee (EXECOM) Meeting niadtong May 18, 2026 sa SB Session Hall, Municipal Building sa Sta. Cruz, San Jose, Dinagat Islands, diin nagtigom ang mga nangulo sa nagkalain-laing departamento sa lokal nga panggamhanan nga gipangunahan ni Chief of Staff to the Mayor RV Valdevieso alang sa regular nga panagtigum ug paghatag sa updates gikan sa ilang tagsa-tagsang opisina.

Atol sa maong miting, gipresentar sa matag opisina ang ilang importanteng reports, accomplishments, ug kasamtangang kalihokan aron mas mapalig-on ang koordinasyon ug masiguro ang hapsay nga implementasyon sa mga programa, proyekto, ug serbisyo publiko alang sa katawhan.
Gihisgutan usab ang nagkalain-laing mga isyu ug concerns nga giatubang sa matag departamento aron mahatagan dayon kini og tukmang aksyon, giya, ug solusyon alang sa mas episyente ug epektibong pagserbisyo sa komunidad.

Gipasiugda usab sa panagtigum ang kamahinungdanon sa transparent ug responsableng paggamit sa pondo sa katawhan, uban sa padayon nga paningkamot sa lokal nga panggamhanan nga mapadayon ang maayong pagdumala ug kalidad nga serbisyo publiko.

Ang maong panagtigum nagpakita sa lig-on nga panaghiusa, koordinasyon, ug panagtinabangay tali sa mga opisyal ug empleyado sa lokal nga panggamhanan, uban sa tumong nga mapadayon ang malinawon, organisado, ug katawhanong pagdumala sa komunidad.

“Atong ipadayon ug palig-onon pa ang maayong nasugdan. Pinaagi sa panaghiusa ug pagsinabtanay, mas makahatag pa kita og episyente ug kalidad nga serbisyo alang sa katawhan.” — RV Valdevieso