Gipahigayon sa Lokal nga Panggamhanan sa San Jose ang Executive Committee (ExeCom) Meeting didto sa SB Session Hall, Municipal Building sa Sta. Cruz, San Jose, Dinagat Islands niadtong Marso 9, 2026, aron hisgutan ang nagkalain-laing administratibo ug operasyonal nga mga lakang sa lokal nga gobyerno.

Ang maong ExeCom Meeting kabahin sa regular nga panagtigum sa LGU nga nagtinguha sa pagpalig-on sa koordinasyon tali sa mga departamento, pagsiguro sa hapsay ug episyenteng pagdumala, ug padayon nga paghatag og dekalidad nga serbisyo alang sa katawhan sa San Jose.

Gipangunahan ang miting ni Chief of Staff RV Valdevieso, kauban ang mga department heads ug supervisory personnel gikan sa nagkalain-laing opisina sa lokal nga panggamhanan.

Mitambong usab ang mga representante gikan sa Department of Trade and Industry (DTI) nga sila Jardynne R. Narvasa (STIDS) ug Jonah Fe T. Daytoc (TIDS). Gihatag nila ang update mahitungod sa kalit nga pagsaka sa presyo sa bugas ug gasolina, nga usa sa mga hinungdanong isyu nga nakaapekto sa lokal nga ekonomiya ug adlaw-adlaw nga panginabuhi sa katawhan.

Sa kinatibuk-an, gihisgutan sa miting ang pagpalig-on pa sa inter-agency coordination sa LGU aron mas mapalambo ang mga programa ug serbisyo nga nagatubag sa kaayohan ug panginahanglan sa mga residente sa San Jose. sa kaayohan sa katawhan sa San Jose.

‎

‎