Giaprubahan sa Civil Service Commission (CSC) ang grant nga nagtugot sa hangtod lima ka adlaw nga wellness leave alang sa kwalipikadong opisyal ug empleyado sa gobyerno, uyon sa Republic Act 11036 o Mental Health Act.

Sa usa ka press release, giingon sa CSC nga ang mental health usa ka dakong prioridad sa ilang programa sa workplace health promotion. Gisgutan usab niini ang 2025 Global Workplace Report nga nagpakita nga ang mga Pilipino adunay ikaduhang labing taas nga stress level sa Southeast Asia.

“Ang Wellness Leave usa ka tubag sa sitwasyon nga giatubang sa atong mga empleyado karon. Pinaagi sa paghatag og oras sa pagpahuway ug pag-atiman sa kaugalingon, atong gipakita nga ang public service nag-atiman sa iyang mga tawo,” matod ni CSC Chairperson Marilyn Barua-Yap.

Human sa pag-uyon sa grant, nagpagawas ang CSC og guidelines sa paggamit sa leave, lakip na ang panahon sa pag-avail, katuyoan, proseso sa pag-file, ug pagpanalipod sa impormasyon sa empleyado.

Ang wellness leave pwede gamiton sulod sa tulo ka sunod-sunod nga adlaw o ipang-apod-apod sa lain-laing petsa. Dili kini maipon ug mawagtang kung dili magamit sulod sa tuig.

Ang leave limitado sa mental health care, physical wellness, o usa ka yano nga pahulay gikan sa trabaho. Dili kini mopuli sa existing nga vacation o sick leave.

Ang aplikasyon kinahanglan i-endorso sa immediate supervisor ug isaka ngadto sa agency head para aprobahan. Pareho nga proseso sa pag-file sa vacation o sick leave ang sundon. Kinahanglan i-file ang request lima ka adlaw sa dili pa gamiton, gawas lang sa emergency nga pwede isumite pagbalik sa trabaho.

Gisiguro sa CSC nga ang health information sa empleyado protektado ubos sa Data Privacy Act of 2012 para magpabilin ang “safe space” sa mga nag-apply.

#MabuhayAngBagongKasal #LigOnNgaSanJose #KatawhanAngHari