Gipahigayon ang usa ka Committee Hearing ug konsultasyon kabahin sa Environmental Fee ubos sa Tourism Code sa Munisipyo sa San Jose niadtong Mayo 14, 2026 sa Sangguniang Panlalawigan Building sa Cuarinta, San Jose, Dinagat Islands.

Atol sa deliberasyon, gihisgutan ang kahimtang sa mga residente ug ang panginahanglan sa klaro nga mga giya ug pamaagi aron masiguro ang hapsay ug patas nga pagpatuman sa maong ordinansa.

Nagpadayon usab ang koordinasyon tali sa Munisipyo sa San Jose ug sa Provincial Government of Dinagat Islands, ilabina sa Provincial Legal Office (PLO) ug sa mga Miyembro sa Sangguniang Panlalawigan, alang sa legal nga giya ug technical assistance sa pagpalig-on sa maong polisiya.

Ang maong hearing kabahin sa padayon nga proseso sa pagtuon ug pagrepaso sa ordinansa ubos sa Tourism Code aron masiguro nga ang tanang polisiya makatubag sa panginahanglan sa turismo, pagpanalipod sa kinaiyahan, ug kaayohan sa katawhan sa Munisipyo sa San Jose ug sa tibuok Probinsya sa Dinagat Islands.

Mitambong sa maong panaghisgot ang mga opisyal sa Munisipyo sa San Jose lakip si Rechard T. Pasquil, mga Miyembro sa Sangguniang Bayan, Municipal Tourism Officer, mga Miyembro sa Sangguniang Panlalawigan, ug mga representante gikan sa Provincial Legal Office (PLO).