Malampuson nga nakab-ot sa Barangay Justiniana Edera, sakop sa Munisipyo sa San Jose, ang 1st Place sa CY 2026 Lupong Tagapamayapa Incentives Awards (LTIA) Regional Assessment sa kategorya sa 4th Class Municipalities sa Caraga Region.

Kini nga dungog usa ka dakong kalampusan nga nagpakita sa kahusayan sa barangay sa pagpatuman sa Katarungang Pambarangay o Barangay Justice System, ilabi na sa episyente, patas, ug malinawon nga paghusay sa mga panaglalis sa komunidad.

Ang Lupong Tagapamayapa Incentives Awards (LTIA) maoy usa ka national recognition nga gihatag sa Department of the Interior and Local Government (DILG) alang sa mga outstanding nga Lupong Tagapamayapa nga nagpakita og excellence sa implementasyon sa Katarungang Pambarangay system.

Ang maong kalampusan sa Barangay Justiniana Edera nagsilbing inspirasyon ug simbolo sa dedikasyon sa mga opisyal ug miyembro sa Lupon sa pagpalig-on sa kalinaw, hustisya, ug panaghiusa sa ilang komunidad.