Gipahigayon ang oath-taking ceremony alang sa unom (6) ka bag-ong empleyado sa Local Government Unit (LGU) sa San Jose niadtong Marso 18, 2026 sa Opisina sa Mayor, Municipal Building, Brgy. Sta Cruz, San Jose, Dinagat Islands.

Sa maong kalihokan, opisyal nga nanumpa ang mga bag-ong kawani isip pag-angkon sa ilang responsibilidad sa matinud-anon ug episyenteng pagserbisyo sa katawhan.

Lakip sa mga nanumpa mao sila:
• Jose Mari G. Igcasama – Local DRRM Officer II
• Lorelyn R. Cisneros – Local DRRM Assistant
• Ronejane L. Paglinawan – Registration Officer I
• Honorena D. Nilo – Midwife I
• Realin B. Eroy – Process Server
• Alberto E. Sacil Jr. – Administrative Aide I

Sila pagatugyanan og mga katungdanan sa nagkadaiyang opisina sa munisipyo aron mas mapalambo ang serbisyo publiko.

Ang seremonya gipangulohan ni Mayor Ruben J. “Kking” D. Zuniega, uban sa presensya ni Engr. Froilyn T. Fuentes, EnP., MPDC/HR Designate, ug Chief of Staff RV Valdevieso.

Ang oath-taking usa ka mahinungdanong lakang aron masiguro nga ang mga bag-ong empleyado andam motuman sa ilang katungdanan ug mosunod sa mga balaod ug pamalaod sa gobyerno.

Padayon ang LGU San Jose sa pagpalig-on sa serbisyo publiko pinaagi sa pagdugang og mga kwalipikadong kawani aron mas matubag ang nagkalain-laing panginahanglan sa komunidad.