BOSS

Gimando ni Mayor Yngwie Hero B. Ecleo nga sugod Enero 6(Lunes) ngadto sa Enero 20, 2020 ipahigayon ang BUSINESS ONE-STOP SHOP o BOSS dinhi sa Municipal Building, Sta. Cruz, San Jose, Dinagat Islands.

Ang BOSS gibuhat matag tuig aron mapadali ug mapasayon ang pagkompleto sa mga kinahanglanon nga ilakip sa aplikasyon sa mga negosyante aron sa pagkuha sa ilang Business Permit tungod kay ang tanan nga departamento o ahensiya sa gobyerno ipahimutang man sa usa lamang ka lugar kini subay sa Republic Act 11032 “AN ACT PROMOTING EASE OF DOING BUSINESS AND EFFICIENT DELIVERY OF GOVERNMENT SERVICES, AMENDING FOR THE PURPOSE REPUBLIC ACT NO. 9485, OTHERWISE KNOWN AS THE ANTI-RED TAPE ACT OF 2007, AND FOR OTHER PURPOSES”.

Alang sa mga Negosyante mao kini ang GIYA SA PAGPROSESO SA BUSINESS PERMIT:

1. Magsumite sa gisulatan nga porma sa aplikasyon ug bayaran ang tanan nga Regulatory Fees, Charges, Permit Fee, Business Tax & Fire Code fees sa window 1, 2, 3, 4, 5, 6 & 7 nga nahimutang sa Municipal Treasury Office.

2. Seguraduhon ang mosunud nga mga kinahanglanon sa ONE-STOP-SHOP PROCESSING CENTER nga nahimutang sa 2nd floor Mun. Bldg: Police Clearance, Health Cert. & Sanitary Permit, Annual Inspection Certificate, Zoning Clearance, DTI registration certificate ( new application )

3. Isumite ang porma sa aplikasyon uban ang tanan nga mga kinahanglanon nga gilakip ngadto sa Mun. Treasury Office (Window 8) alang sa pagpagawas sa Business Permit.

Para sa dugang impormasyon bisitaha lamang ang buhatan sa Business Permit and Licensing Officer nga nahimutang sa Municipal Treasury Office.