Gilunsad ang Municipal Wide Synchronized Sabayang Patak Kontra POLIO Round 2 dinhi sa Lungsod sa San Jose pinaagi sa Municipal Health Office gipangulohan ni Dra. Everbelle A. Hidalgo, MD, MPM, nga gipahigayon sa Municipal Hall, Sta. Cruz, San Jose, Dinagat Islands.

Gitambongan kini ni Department of Health Assistant Regional Director Dr. Rodulfo Antonio M. Albornoz ug ni DMO V Lucita O. Tagudin, RN, MCH.

Si DOH Asst. Regional Director Dr. Albornoz maoy nanguna sa paghatag sa maong vaccine ngadto sa mga bata kauban ang mga opisyales sa Lungsod sa San Jose.

Ang Sabayang Patak Kontra POLIO Round 2 ipahigayon hangtod karong Pebrero 2, 2020 sa 12 ka barangay.