Malampusong gipahigayon ang 3rd Municipal Disaster Risk Reduction and Management Council (MDRRMC) Full Council Meeting 2026 niadtong Agosto 5, 2026 sa SB Session Hall, ubos sa pagpangulo ni Municipal Mayor Ruben J D. Zuniega, uban sa aktibong pagtambong sa mga miyembro sa konseho.

Atol sa maong miting, gipresentar ni Municipal Budget Officer Glorygen T. Alas-as ang Financial Update, samtang gipresentar usab ni Municipal Accountant Sarah Faith A. Catubig ang Disaster Risk Reduction and Management (DRRM) Special Trust Fund Utilization Report aron mahatagan og kahayag ang kahimtang sa pondo ug sa paggamit niini.

Gihisgutan usab sa konseho ang budget hearing sa mga proposal nga gipresentar ni Municipal DRRM Officer Mhelgrace P. Edradan, RN. Lakip niini ang mga proposal alang sa lain-laing training, advocacy activities, ug uban pang mga inisyatibo nga nagtumong sa pagpalig-on sa disaster preparedness, response capability, ug resiliency sa lungsod.

Nagpadayon ang LGU San Jose sa pagpalig-on sa koordinasyon ug epektibong pagpatuman sa mga programa sa Disaster Risk Reduction and Management (DRRM) aron masiguro ang mas andam, mas luwas, ug mas lig-on nga komunidad alang sa tanang San Josenian.