Ang gihimong inspeksyon sa Department of Agriculture (DA) Regional Office sa San Jose dili lang kutob sa mga kasamtangang agriculture facilities, kundili nagtan-aw usab sa mas dagkong posibilidad alang sa umaabot nga agriculture development sa lungsod, lakip ang potensyal sa 3-hectare property sa Brgy. Luna nga gihisgutan kauban ang Lokal nga Panggamhanan.

Gikonsiderar ang maong property alang sa site development nga mahimong maglangkob sa demo farm, posibleng DA Office, ug Bagsakan Center isip dugang nga suporta sa umaabot nga agriculture programs sa lungsod.

Gihisgutan usab ang posibilidad nga ibalhin ngadto sa maong lugar ang Goat Facility ug Greenhouse Hydroponic Facility aron mas organisado ang mga agriculture ug livestock-related facilities ug kalihokan sa maong lugar.

Gilauman nga ang maong development mahimong dugang nga luna alang sa pagpatuman sa mga programa, demonstration activities, produksyon, ug uban pang mga inisyatiba nga may kalabotan sa agriculture sector.

Padayon ang pagtinabangay sa Lokal nga Panggamhanan sa San Jose ug DA Regional Office sa pagtan-aw sa mga posibleng proyekto ug programa nga makatampo sa pagpalig-on sa agriculture sector sa lungsod.