Aduna’y gipahigayon nga 3-Day Capacity Enhancement Training ang Municipal Social Welfare and Development Office (MSWDO) alang sa Child Development Workers sa dose (12) barangays nga sakop sa lungsod sa San Jose diin gisugdan kini kagahapong adlawa, Disyembre 2-4, 2025 sa Don Ruben Function Hall, San Jose, Dinagat Islands.
Usa kini ka tinuig nga aktibidad aron masiguro nga mahimong malungtaron ang kahanas sa Child Development Workers sa pag-implementar sa Early Childhood Care and Development (ECCD) Program.
Tumong sa programa nga matutokan ang tanang aspeto sa kapasidad ug pasiuna nga kahibalo sa bata nga nag-edad sa kwatro (4) anyos paubos sama sa Gross Motor Domain, Fine Motor Domain, Self-Help Domain, Receptive Language Domain, Expressive Language Domain, Cognitive Domain ug Social-Emotional Domain.
Mitambong sa gihimong kalihukan si Chief of Staff to the Mayor RV Valdevieso nga kung diin iyang gipadayag ang hugot nga suporta sa lokal nga pangagamhanan sa LGU-San Jose ilalom sa administrasyon ni Mayor Ruben J “K-king” D. Zuniega sa programa sa ECCD ilabi na ang paghatag og insakto nga sweldo ug benepisyo sa Child Development Workers.
(MIO/ELLEN)