SAN JOSE, Dinagat Islands — Malampusong gipahigayon niadtong Marso 25, 2026 ang Food Redemption alang sa ikaduhang bulan sa implementasyon sa Walang Gutom Program sa Municipal Covered Court sa Brgy. Sta. Cruz.
Sa maong kalihokan, 81 ka benepisyaryo gikan sa lungsod ang nakadawat og food redemption package nga nagkantidad og ₱3,000 matag usa, nga gitumong aron matabangan ang ilang pang-adlaw-adlaw nga panginahanglan sa pagkaon.
Ang kalihokan gipangunahan sa Department of Social Welfare and Development (DSWD) uban sa Municipal Social Welfare and Development Office (MSWDO), isip kabahin sa padayong paningkamot sa gobyerno sa paghatag og food assistance ug pagpalig-on sa seguridad sa pagkaon sa komunidad.
Sumala sa mga tigpatuman sa programa, ang Walang Gutom Program nagpadayon sa paghatag og suporta sa mga pamilyang nanginahanglan aron masiguro nga walay magutman ug mapalambo ang ilang kahimtang sa kinabuhi.