Gipahigayon ang 1st Quarter Family Development Session (FDS) Implementers Meeting niadtong Marso 31, 2026, sa 2nd Floor Municipal Building, Brgy. Sta. Cruz, San Jose, Dinagat Islands, aron palig-onon ang koordinasyon sa pagpatuman sa FDS alang sa mga benepisyaryo sa Pantawid Pamilyang Pilipino Program (4Ps).

Gipangunahan sa Department of Social Welfare and Development (DSWD) ang maong kalihokan, nga nagtumong sa pagpalig-on sa panag-partner sa mga implementing agencies, pag-align sa mga topic ug schedule sa FDS, ug pagpaayo sa paghatod sa serbisyo sa mga pamilya nga sakop sa programa.

Ang Family Development Session (FDS) usa ka regular nga miting o training nga gitambongan sa mga ginikanan o guardian nga benepisyaryo sa 4Ps, diin sila matudloan og mga kahibalo ug abilidad nga makatabang sa pagpauswag sa kahimtang sa ilang pamilya.

Nitambong sa maong panagtigom ang mga representante gikan sa MSWDO, PESO, MAO, SLP, MHO, BFP, DTI, ug MDRRMO, diin sila naghatag og mga suhestiyon ug mahinungdanong kontribusyon sa mga topiko nga pagahisgutan sa umaabot nga mga FDS.

Pinaagi sa maong panagtigom, gilauman nga mapalig-on pa ang kalidad sa FDS ug ang paghatod sa serbisyo alang sa mga benepisyaryo sa 4Ps.