Ang Philippine Rural Development Project (PRDP) nagpahigayon og consultative dialogue uban ni Mayor Ruben J “KKing” D. Zuniega aron hisgutan ang pinakabag-ong update kalabot sa Level II Potable Water System project sa Barangay Luna ug Cuarenta.

Sa maong panagtigum, gihisgutan ang posibilidad sa pagpalapad sa mga barangay nga masakop sa maong proyekto ug tungod niini, nasabutan ang pagpahigayon og onsite validation ug survey sa Barangay Cuarenta ug Luna, ug uban pang posibleng barangay nga maapil, aron masiguro ang hapsay ug epektibong implementasyon sa proyekto.

Gipakita sa LGU San Jose ang padayon nga suporta ug lig-on nga pasalig sa pakigtambayayong sa PRDP aron mapalapdan pa ang mga programa sa kalamboan, ilabi na sa paghatag og luwas, kasaligan, ug accessible nga serbisyo sa tubig alang sa tanang residente sa lungsod.