Gidawat ni Municipal Mayor Ruben J “Kking” D. Zuniega ang mga opisyal sa Department of Science and Technology (DOST) atol sa ilang pagbisita sa LGU-San Jose niadtong Hunyo 2, 2026 sa opisina ni Mayor Barangay Sta.Cruz ,San Jose Dinagat Islands, diin ilang gipresentar ang usa ka bag-ong teknolohiya nga gitumong sa pagpaayo sa kalidad sa tubig ug pagsuporta sa malungtarong pagdumala sa kinaiyahan.

Atol sa maong pagbisita, gipresentar ni DOST Technical Expert Engr. Sean Ligtvoet ang Vertical Helophyte System ug Enhanced Hybrid Constructed Wetlands, usa ka nature-based solution nga makatabang sa pagsala ug paglimpyo sa tubig samtang nagpalig-on sa pagpanalipod sa palibot.

Gitambongan usab ang kalihokan nila Municipal Planning and Development Coordinator Froilyn Fuentes, Municipal Agriculturist Jo-Ann Gonzales, Municipal Engineer Alex T. Navarra, Market Administrator Designate/MADAC Focal Person Loejun Patual, ug ni Ms. Mary Grace T. Pulido, Senior Science Research Specialist sa DOST-Province of Dinagat Islands (DOST-PDI), uban sa ubang kawani sa DOST-PDI.

Ang maong pagbisita nagpakita sa padayon nga paningkamot sa DOST ug sa LGU San Jose sa pagpalambo sa mga programa ug teknolohiya nga makatabang sa pagmintinar sa kalimpyo sa tubig ug sa malungtarong kalamboan sa lungsod.